Жас өрендер жүлдемен оралды

IMG 20160707 WA0016Жас өрендер жүлдемен оралды

Жасөспірім спортшылардың биік белесі болып табылатын Олимпиада ойындарымен қатар төрт жылда бір өтетін «Азия балалары» жарысы таяуда Ресей Федерациясының құрамдас бөлігі Саха Республикасында өз мәресіне жеткен болатын. Ресей Федерациясының премьер-министрі алауын тұтатқан дүбірлі додада Азия елдерінің ең таңдаулы спортшылары бақ сынады. Осы сында Қазақстан құрама командасы атынан ел намысын қорғауға түркістандық 4 спортшы аттанып, туған жерге абыроймен оралды.

Атап айтсақ, Ә.Нұрмаханов атындағы облыстық олимпиада резервін даярлайтын спорт мектебінің тәрбиеленушісі еркін күресінен Раимова Нилуфар, Туғанбаева Аяулым, Әбен Дариға (Жаттықтырушысы Ерімбетов Нұржігіт) күміс алқа тағынып, ел мерейін асқақтатты. Сонымен бірге, Түркістан қалалық жекпе-жек түрлерінен балалар мен жасөспірімдер спорт мектебінің шәкірті Молдаш Кемелбек (жаттықтырушысы Абуов Бақытжан) дзю-додан татами төрінде алаң иесіне жол беріп, қола жүлдеге ие болды. ҚР спорт шебері атағын алды.   

Айта кетерлігі, қасиетті өңір өрендерінің жетістіктері тек осымен шектелген жоқ. Жақында ғана Тайпейде өткен Азия чемпионатында еркін күрестен Раимова Диана ІІІ-орын орын алып, көк туымызды желбіретті.

Түркістан қаласы әкімінің баспасөз қызметі

Top
Разработано с JooMix.
We use cookies to improve our website. By continuing to use this website, you are giving consent to cookies being used. More details…